SAN JUAN 6:3-14

³Cottimeja Jesús co cain tti chojni que vacao coani na ná jna co tavintte na nttiha nchion.

⁴Co jamé conhe chian ngain tiempoe tti quiai dinhi pascua.

⁵Co are Jesús vicon ixin anto tsje chojni terroé, Jesús ndac̈ho ngain Felipe: ―¿Quettinó siquehna na tti sine cainxin chojni jihi?

⁶Pero jehe ndac̈ho jañá para viconxin quehe rrondac̈ho Felipe ixin Jesús ovenohe jian quehe sinchehe.

⁷Cottimeja Felipe ndac̈ho: ―Cain tomi que dacha ná tti nchehe ẍa yáto conittjao ẍa sittjaha tomi mé para sinanxin cain niottja que sine cain chojni yá.

⁸Cottimeja Andrés, xanchó Simón Pedro co cai jehe ná de tti chojni que vacao Jesús; jehe Andrés ndac̈ho ngain Jesús:

⁹―Nttihi jí ná xanxichjan que chonda naho niottja de cebada co yó copescado, pero ¿queẍén sittjaxin jihi para cainxin chojni yá?

¹⁰Cottimeja ndac̈ho Jesús: ―Ndache ra cainxin na que tasintte na ngataha nontte. Anto cachji vehe ngain lugar mé, co tavintte cain nimé. Co jeho xí vintte naho mil xa.

¹¹Cottimeja Jesús coá tti naho niottja mé ngain rá, co joanjo gracias ngain Dios. Cottimeja Jesús joanjo niottja mé ngain tti chojni que vacao, co jehe chojni mé conchjea na niottja mé ngain chojni que tate nttiha. Co cai jamé joinchehe Jesús ngain copescado co chojni que vacao Jesús conchjea na ngain chojni cain tti joinao na.

¹²Co are ojoexin joine na co ndacojehe na, Jesús ndac̈ho ngain chojni que vacao: ―Datse ra cain pedazo de niottja que xehe para que ẍonhi sitján.

¹³Jehe na joatse na nio rioho mé, co joinchecaon na tteyó nttaẍa de ixin tti pedazo que xexin joine na de tti naho niottja de cebada.

¹⁴Cottimeja cain chojni mé are vicon na tti milagro jihi que Jesús joinchehe ndac̈ho na: ―Ndoa jehe jihi tti profeté Dios que chonda que tsí ngataha nontte.