San Juan 6:1-7

¹DESPUES di manmalofan estesija, mapos si Jesus malag y otro banda y tasen Galilea, na ayo y tasen Tiberias.

²Ya madalalag güe ni y dangculo na linajyan taotao sa jalie sija y megaegae na señat ni jafatinas gui manmalango.

³Ya cajulo si Jesus gui un ogso, ya matachong güije yan y disipuluña sija.

⁴Ya jijot y guipot pascua, guipot y Judio sija.

⁵Ya anae tumalag jilo si Jesus, jalie na guaja mamamaela para iya güiya, un linajyan na taotao, ilegña as Felipe: Manu nae tafanmamajan pan para ufañocho este sija?

⁶Jasangan este para uchague güe; sa güiya tumungo jafa ufatinas.

⁷Manope si Felipe: Dosiento na denario na pan, ti ufannajong para cada uno guiya sija ufañule didide.