9Laꞌ böactëꞌ bönniꞌ naꞌ, atiꞌ buꞌë le gútiꞌnëꞌ len gzëꞌë. Dza naꞌ rac cni nac dza laꞌy quequëꞌ bönniꞌ judío.
10Niꞌr glëꞌ bönniꞌ naꞌ nuhuöaquëꞌ bönniꞌ judío uná bëꞌ, taꞌnë́ꞌ: ―Dza laꞌy nac naꞌa. Cutu ral‑laꞌ uꞌu le rátiꞌnuꞌ.
11Bubiꞌë didzaꞌ bönniꞌ naꞌ, rëꞌ lequëꞌ: ―Gudxczëꞌ nedaꞌ bönniꞌ naꞌ bunëꞌ nedaꞌ, gnëꞌ: “Buaꞌ le deynuꞌ len gzëꞌi.”
12Niꞌr gulanabnëꞌ lëꞌ, taꞌnë́ꞌ: ―¿Nuzxa naꞌ gudx cni liꞌ: “Buaꞌ le deynuꞌ len gzëꞌi”?
13Cutu nöznëꞌ nuzxa naꞌ bönniꞌ naꞌ nuhuöaquëꞌ, le chbuzë́ꞌë Jesús latj niꞌ le nacuáꞌ niꞌ bunách zian.