Text copied!
CopyCompare
Ley saa ni nacoo Jesucristu - SAN JUAN - SAN JUAN 5

SAN JUAN 5:6-13

Help us?
Click on verse(s) to share them!
6Dandu, nì xini Jesús jaàn indúhu‑né, te ináhá stná‑yà ñà‑càní cuìà iá‑nè xì cuèhè mà, ñàyùcàndùá, nì cachi‑yà xì‑né: ―Mii‑ní, ¿a cuní‑nî nduvàha‑ní?
7Dandu nì cachi‑nè xì‑yá: ―Señor, còò iin chindee xí na hora ndácùchí tècuìí, te quìhvi stnáì mahì‑té. Vàchi na meru sáì, dihna inga‑nè nì sàà‑nè nùí, te nuú‑né ndé ñuhú tècuìí.
8Dandu nì cachi Jesús xì‑né: ―Ndacuiìn‑ní, ndanihi‑ní camilla xi‑ní, te caca‑ní.
9Dandu vichi vichi nì nduvàha nècuàchìmà nì ndanihi‑ne camilla xi‑ne, nì nacaca‑ne cuàhàn‑nè. Te quìvì yucán, quìvì descansu nduá.
10Ñàyùcàndùá, nì cachi dava nècuàchì ñuu mà xì nècuàchì nì nduvàha ma: ―Quìvì descansu nduá vichi. Còò ley xi‑nda cunsida‑ní camilla xi‑ní.
11Dandu nì cachi tiàa ma xi‑né: ―Nècuàchì nì dàndúvàha xí, nì cachi‑nè xìˊ: “Ndanihi‑ní camilla xi‑ní, te caca‑ní”.
12Dandu nì ndàcàtnùhù nèhivì mà nùù tiàa ma, cachí‑nè: ―¿Ana divi nì cachi xì‑ní ducán?
13Doco nècuàchìmà, có‑ìnáhá‑nê nansa nani ana nì dàndúvàha xi‑né, vàchi sàcuàhàn Jesús, te cuàhà gá nèhivì ndoó lugar yucán.

Read SAN JUAN 5SAN JUAN 5
Compare SAN JUAN 5:6-13SAN JUAN 5:6-13