San Juan 5:35-47

³⁵Güiya y lámpara ni masonggue ya maniina; ya jamyo infanmalago manmagof didide na tiempo gui candetña.

³⁶Ya y testimonio ni gaegue guiya guajo mas dangculo qui y gaegue gui as Juan; sa y finatinas ni y Tata numaeyo para umacumple, ayo na finatinas na guajo jufatinas; este jatestifica nu guajo, nu y Tata tumago yo.

³⁷Si Tata locue ni y tumago yo, güiya namaesa mannae y testimonio nu guajo. Jamyo tat nae injingog bosña, ni locue ti inlie jechuraña.

³⁸Ya taya sinanganña sumaga guiya jamyo; sa ti injenggue na güiya manago.

³⁹Aligao y tinigue sija sa y jinasonmiyo iya güiya nae inguaja y linâlâ na taejinecog; ya sija todo ufanmannae testimonio nu guajo,

⁴⁰Ti manmalago jamyo manmamaela guiya guajo, para uguaja linâlâ.

⁴¹Ynenra y taotao sija, guajo ti juresibe.

⁴²Lao guajo jutungo jamyo na taya y güinaeyan Yuus ni y gaegueja guiya jamyo.

⁴³Guajo mato yo pot y naan Tatajo, ya ti inresibe yo; yaguin otro mato pot y naanña namaesa, ayo inresibe.

⁴⁴Jafa muna siña injenggue jamyo ni y rumesibe inenra uno sija yan otro, ya ti inaligao y inenraja na mato guine as Yuus na unoja?

⁴⁵Ti injaso na jufaaela jamyo gui as Tata: ya y fumaaela jamyo si y Moises, ayo nae gaegue ininangganmiyo.

⁴⁶Pues yaguin injenggue si y Moises, injenggue yo locue: sa iya guajo nae manugue si Moises.

⁴⁷Lao yaguin tinigueña sija ti injenggue, jafa muna injenggue y sinanganjo?