17Kjánchó chꞌín Jesús ntáche chꞌán tí jehe sín kíxin: ―Méxra̱ Tꞌaná na̱xa̱ tjechꞌe chꞌán xra̱. A̱ ntá janhan kja̱xin tjétꞌa̱ xra̱ ―ichro chꞌán.
18Méxra̱ xi̱kaha tí sín judío a̱ntsí tjinkaon sín chrókꞌóyán sín chꞌán kíxin kuítekakuenhya chꞌán tí ley kuènte tí ya̱on tꞌo̱kꞌéhe sín la ko kja̱xin ntáchro chꞌán kíxin tí Itꞌé chꞌán la mé Dios, mé xi̱kaha ncheyóhe̱ chꞌán a̱sén chꞌán Dios.