San Juan 4:25-30

²⁵Ashampane ka kaizta: —Dios kin namtɨtmikane, watsat mɨlmumikane, piannanpain pianish. (Usne Cristo i). Us akane, usne aumɨza chiwal kamtananazi.

²⁶Jesúsne ussa kaizta: —Nane Dios kin namtɨtmikakas, watsat mɨlmumikakas, ish. Nane nukasa paramtus.

²⁷Sun urain paiña kammuruzne aara. Jesús maza ashampakasa kwinta kimtu akwa, uspane iztaspaarɨt. Mɨnminkas an ashampa ¿Chima pashimtu? mɨmaarachi. Mɨnminkas Jesústa ¿Chima an ashampara paramtus? mɨmaarachi.

²⁸Suasne ashampane paiña kwazi ulmu chɨhkat kit pɨpulura kail kit awara ka kaiznara:

²⁹—Maza ampura izna arain. Usne wan chiwal piankam kit na kirɨt aizpa nawa kaizta. ¿Anne Dios kin namtɨtmikaki? ¿Usne watsat mɨlmumikaki?

³⁰Suasne awane pɨpuluras puzat kit Jesús tukin aara.