San Juan 4:11-20

¹¹N siwatl okili: —Tlakatl, n atékochtli wejkatla iwa amo tikpia tlan ika tikixtis atl. ¿Kan tikixtis nin atl non ika niyolitos nochipa?

¹²Towejkatata Jacob otechkajtewili nin atékochtli. Ye, ipilwah iwa iyolkawah nika oatlikeh. ¿Mach te okachi tiweyixtok ke ye?

¹³Jesús okinankili: —Nochteh akimeh nika atlih, oksepa amikiskeh,

¹⁴pero akin konis n atl non Ne nikmakas, ayik oksepa amikis. Porke n atl non Ne nikmakas, mochiwas itech ye kemi se améyali, kan mextos n atl non ika yolitos nochipa.

¹⁵Ijkuakó n siwatl okili: —Tlakatl, techmaka kiné non atl, ijkó ayakmó niamikis, iwa ayakmó oksepa nikixtiki atl nika.

¹⁶Jesús okili: —Xio xiknotsati mookich iwa oksepa xiwiki.

¹⁷N siwatl okinankili: —Ne mach nikpia nookich. Jesús okili: —Milák tlan tikijtoa, nik amo tikpia mookich,

¹⁸porke yotikimpapatlak mákuilteh tlakah, iwa non axa iwan tika noiwa amo mookich. Milák tlan tikijtoa.

¹⁹N siwatl okili n Jesús: —Tlakatl, nikita tejwatsi tiprofeta.

²⁰Towejkatatawah okiweyiliayah Dios itech nin tepetl. Pero nomejwah non de Judea nonkijtoah moneki matikweyilikah Dios kan Jerusalén.