SAN JUAN 2:5-11

⁵Pero jehe janné Jesús ndac̈ho jan ngain chojni que tedanjo jehe vino mé: ―Nchehe ra cain tti jehe rrondattjo ra.

⁶Nttiha vintte incjaon nchíẍa de ẍo, tti vanchegonda chojni judío para vaconttixin na jinda rá na tsje nttiha inchin costumbré jehe na. Co cada nchíẍa mé vaguiquia inchin ochenta o cien litro de jinda.

⁷Jesús ndac̈ho ngain chojni que tettequia vino: ―Nchec̈he ra cain nchíẍa tehe de jinda. Co jehe na hasta joinchec̈hetaonca na cain nchíẍa mé,

⁸cottimeja Jesús ndac̈ho ngain na: ―Janché, dantsje ra nchin nda co ttjiohe ra niencargado. Co jamé joinchehe na.

⁹Co jinda mé ondadicjan nda vino co jehe noeha ttinó joixin vino mé, jeho cain chojni que cointtjecjan vino mé vinttenohe na ixin jehe na joantsje na jeho jinda. Co tti encargado vayé xinovio

¹⁰co ndac̈ho ngain xa: ―Cainxin chojni saho danjo na tti vino icha jian, co are cain chojni que dihi, atto ovihi na, cottimeja dihi na tti vino corriente. ¡Pero jaha diquenchjinha tti vino icha jian hasta jaxon!

¹¹Jihi tti joinchehe Jesús ngain Caná de Galilea co jihi tti saho milagro que jehe joinchehe co milagro mé ẍagoxin ixin jehe Jesús chonda anto tsje joachaxin. Co cain chojni que vacao Jesús vitticaon na ngain jehe.