San Juan 2:4-16

⁴Chiy cuaby Jesús: —¿Xínii rniibiu ziy nare dxa, xnana? Ne naa gatllɨ idzɨny hor xtena.

⁵Per María xnan Jesús raipiacbɨ de bniety ni cayun sirvɨ ruy: —Gulgaany irate zectisy ni iniiny laat.

⁶Ne ruy zuguaa xoop de gues guia ni rdaa nis par racnia de bniety Israel zec ni ná xcostumbrɨdeb ax zecti tuby gayuaaga litrɨ nis rdaa láani tuby de guesqui.

⁷Chiyru raipy Jesús de bniety ni cayun sirvɨqui: —Gulcha de guesquɨ nis. Deni bchadoodeb de guesqui,

⁸ax raipy Jesús laadeb: —Anre guldée duudxni, chiy gulchadeedni bniety ni caniá cayac gaxtquɨ. Ziy xquel baandeb.

⁹Ax bniety ni caniá cayac gaxtqui baanbɨ prueb nis ni guctegac vin horqui, sin quɨt gántib calí nez záni. De bniettisy ni caguiizni nán, te pur laadeb güecáadeb nis. Chiyru bniety ni caniá cayac gaxtqui gurɨdxbɨ bíiny

¹⁰ax raipbɨ laab: —Irate bniety nidoote vinzaac rguiizdeb, ax deni agüéedeb ziilni, chiyru rguiizdeb ni ná gulliaaru. Per anre liú guluchuu vinzaacquɨ par igaaizni anru.

¹¹Niy ná nidoote milagrɨ ni baany Jesús. Laany baanny milagrɨqui láani guɨdx Caná ni ná nez Galilea. Ziy xquel bliuuny guelrnabee ni napny ax güeldilaaz de xpɨnny laany.

¹²Chi gudeed guc ziy ax zégacny guɨdx Capernaum cun xnanny cun de betsny cun de xpɨnny. Ruy guzuguaadeb tuby tiop dxi.

¹³Ne cun abdzɨngax pascu, laní xte de bniety Israel, ax güe Jesús Jerusalén.

¹⁴Chiy lo ldedoo Jerusalénqui bdxialny de ni catóo de gúun cun de llíily cun de palom ne de bɨny ni zub lo mɨlly cachaa xmɨly de bniety ni zá irɨnquɨ nez.

¹⁵Chi guná Jesús ziy ax banchuuny tuby chicoty cun duu par guléeny irate de gúun ne de llíilyqui lo ldedooqui ne btɨɨchny xmɨly de bɨny ni cachaa mɨly ne bzáaldzacny xmɨlldeb.

¹⁶Chiy raipny de ni catóo palom: —¡Guldée deng ruc! ¡Quɨt runnét liz Xtada zec lo guee!