SAN JUAN 2:14-21

¹⁴Tama noj ch'u'ul otot u chäni ajchon beq'uetob, ajchon ovejajob, ajchon ixsäcpäcäjob y ajq'uex taq'uinob ya' chumujtacob.

¹⁵Aj Jesús u chi untz'it jätz'onib de ch'ajan. De ya'i u laj pa'sijob upete tama noj ch'u'ul otot, con to'o oveja, con to'o beq'uet, y u laj t'it'bi u taq'uin ajq'uex taq'uinob u t'elejulbi u mesajob.

¹⁶U yälbi ajchon ixsäcpäcäjob ca'da: ―Pa'senla jinda wida. Mach a chen ca'da u yotot cä Pap ca' otot tuba chono.

¹⁷Ti tu c'ajalin u yajcänt'anob cache' tz'ibi chich ayan tama u jun Dios ni u yäle' ca'daba: “Tä' re'i coba cä cänäntäbenet a wotot”.

¹⁸Aj judíosob u yälbijob ca'da: ―¿Cua' jini a xe a chen tuba cä chänen t'ocob si ä'bintet chich a chen ca' jini?

¹⁹Aj Jesús u yälbijob ca'da: ―Jinesanla ni noj ch'u'ul ototda, y uxp'e q'uin acä tz'osen tä cha'num.

²⁰Aj judíosob u yäli: ―Cuarenta y seis año jäläcni ta utic jinda noj ch'u'ul otot, ¿y ane a wäle' que uxp'e q'uin a xe a tz'osen?

²¹Jinq'uin u yäli ca'da, mach jin de ni ch'u'ul otot mu' u yäle'. De une chich ni mu' u yäle'ba.