San Juan 21:13-19

¹³Jesúsen' gwbigue' na' gwxi'e yetextilen' na' bnežjue' c̱he to toe' na' ḻecz ca' bene' len beḻ ya'an.

¹⁴Da'na' goc da' gwyoṉ ṉi'a blo'elao Jesúsen' beṉe' ca' zjanaque' ḻe' txen gwde bebane' ladjo beṉe' guaten'.

¹⁵Na' cate' besyedagüe', Jesúsen' gože' Simón Pedron': ―Simón xi'iṉ Jonás, ¿chaquechdo' neda' clel can' chesaque beṉe' quinga neda'? Pedron' boži'en gože'ne': ―X̱ana', ṉezdo' chacda' le'. Jesúsen' gože'ne': ―Bsed blo'e beṉe' ca' za' gwzolao chesejnilaže' neda', beṉe' ca' zjanac ca me' xila' c̱hia'.

¹⁶Na' da' gwchop ṉi'a gože' ḻe': ―Simón xi'iṉ Jonás, ¿chacdo' neda'? Na' da' yoble gwna Pedron': ―X̱ana', le' ṉezdo' chacda' le'. Jesúsen' gože'ne': ―Bgüia gwṉa' beṉe' ca' chesejnilaže' neda', beṉe' ca' zjanac ca xila' c̱hia'.

¹⁷Da' gwyoṉ ṉi'a gož Jesúsen' ḻe': ―Simón xi'iṉ Jonás, ¿chacdo' neda'? Na' Pedron' gocyaše'de' dan' gož Jesúsen' ḻe' ca' da' gwyoṉ ṉi'a, na' gože' ḻe': ―X̱ana', le' ṉeze nḻe'edo' yogo'ḻoḻ. Ṉezdo' chacda' le'. Jesúsen' gože' ḻe': ―Bsed blo'e beṉe' ca' chesejnilaže' neda', beṉe' ca' zjanac ca xila' c̱hia'.

¹⁸Da' ḻi chnia' le', cate' goco' beṉe' güego', cuino' gwyaz xaḻanon' na' gwyejo' con ga žan c̱hio'. Perw cate' gaco' beṉe' gole, gwḻi naon' na' beṉe' yoble c̱hize' xaḻano' na' yec̱he'e le' ga bi chaclažo'.

¹⁹Gože'ne' ca' cont gwṉezde' can' gacxen Diozen' len da' gac c̱he' cate' žin ža gate'. Na' gwde gwna Jesúsen' can' gac c̱he Pedron' nach gože'ne': ―Con gwyejnilaže' neda' na' bzenag c̱hia'.