SAN JUAN 20:8-21

⁸Oraque ru' biuu sti discípulu ni yendá primeru que, biiya ne bini cre.

⁹Ca'ru guiene cabe ni cá lu Xqui'chi Dios ra na napa xidé guiasa be de lade gue'tu'.

¹⁰Oraque ru bigueta ca discípulu que ralidxi ca'.

¹¹Peru María biaana fuera ra ba' que, cayuuna'. Idubi cayuuna guta gudaa, biyubi lú ndaani ba' que.

¹²Biiya chupa ángel nacu lari quichi' zuba ra uyuu xcuerpu Jesús, tobi neza ra guta ique be ne stobi neza ra guta ñee be.

¹³Oraque na ca ángel que rabi laa: ―Gunaa, xiñee cayuuna lu'. Para rabi be laaca': ―Purti ziné cabe Señor stinne', ne qué ganna dia' paraa gula'qui cabe laa.

¹⁴Casi uní' be ngue, bidxigueta lú be atrá, biiya be zuhuaa Jesús, peru qué ganna be pa Jesús ngue.

¹⁵Para na Jesús rabi laabe: ―Gunaa, xiñee cayuuna lu'. Tu ruyubu'. Laabe zácaxa be ni rapa raqué caní' né laabe, ne rabi be laa: ―Señor, pa lii yenéu laabe la? gudxi naa paraa gula'qui lu laabe, ti chi caa laabe.

¹⁶Para na Jesús: ―¡María! Ne óraque ru' bidxii lú be Jesús, ne na be: ―¡Maistru!

¹⁷Oraque na Jesús rabi laabe: ―Cadi ucueeza lu naa purti ca'ru quiba ra nuu Bixhoze'. Peru uyé ra nuu ca biche', ne gudxi laaca ma chi chiba ra nuu Bixhoze ne Bixhoze tu, ra nuu Dios stinne ne Dios stitu.

¹⁸Para biree María de Magdala, yetidxi ca discípulu ma biiya Señor, ne byuí' né laacabe cani gudxi Señor laa que.

¹⁹Domingu huadxí que da'gu ca puerta ra nuu ca discípulu purti cadxibi ca ca judíu. Ne beeda Jesús, bizuhuaa lade ca' ne na: ―Gata dxí ladxidó' to.

²⁰Uní' si be ngue, biluí' be laaca bataná be ne xcustiá be. Oraque bieche ca ma biiya ca Señor.

²¹Bigueta na be rabi be laaca': ―Gata dxí ladxidó' to. Cásica biseenda Bixhoze naa la? zacaca cuseenda laatu.