SAN JUAN 20:5-28

⁵Tunga bi jaꞌasꞌen. Tu tsakasen tsindi tuxi skutsejenyani ꞌba tsabe nga kio tijña najñu xi tsꞌatjijun yojore Jesús.

⁶ꞌBa ꞌbatsaꞌen Pedro echutjenngi ngani ꞌba jaꞌasꞌen tsju, ꞌba ꞌba nde kui tsabe najñu xi kio tijña

⁷ko najñu xi tsꞌatjijun nindaku Jesús xi bi kio tijñajinre najñubiu. Tu tꞌaxin tijña nga tjikuya.

⁸ꞌBa ꞌbatsaꞌen ꞌba nde jaꞌasꞌen xutare xi ngijngu xi tjun echu tsju, ꞌba tsabe ꞌba kuakjainre.

⁹Ngatꞌa kje mankjinjínre nchjabiu enre Naꞌenchana xi ꞌbatsaꞌen kuaꞌindutꞌa nga tjinnere nga kjuaꞌaya nganire Jesús ngajinre mikꞌen.

¹⁰ꞌBa ꞌbatsaꞌen xutare Jesús jendiba ngani ndaba.

¹¹Tunga María tsakasen ngandetsin tsju nga tikjiꞌnda. ꞌBa yejerañu tikjiꞌnda tsakasen tsindi tuxi skutsejenyani tsju

¹²ꞌba tsabe jó ankje xi yaja najñu tiba, xi tjindu ngaꞌnde ña kisꞌejña yojore Jesús tsakaiñu. Jngu xi tsikꞌejña ña kisꞌejña nindaku, ꞌba jngu xi tsikꞌejña ña kitsjen ndsaku.

¹³ꞌBa ankjelebiu kitsure María: —Na, ¿ánñu techiꞌndani? ꞌBa María kitsu: —Ngatꞌa kitukjaꞌaxin= yojore naina̱, ꞌba bi ꞌbia̱ ñá kisꞌejña ngani.

¹⁴ꞌBa yejerañu ꞌba titsu, kitsikuꞌbe nindaku ꞌba tsabe nga kio sejña jngu xuta. Kui xi Jesús, tunga bi tsabexkun.

¹⁵ꞌBa Jesús kitsure: —Na, ¿ánñu techiꞌndani? ¿ꞌYá= xi temijnyisjai? ꞌBa María kitsikjaꞌetsjen nga kui= xuta xi tsikuenda ya xi kio tjintje ꞌba kui kjuañu kitsunire: —Naꞌen, tsa ji kaꞌmikue, ꞌba tꞌinnaa̱ ñá kafajñe, ꞌba kuikjaꞌa ngañaa̱.

¹⁶ꞌBa Jesús kitsure: —María. ꞌBa ꞌbatsaꞌen María kitsikuꞌbeya ꞌba nga ko en hebreo kitsure: —¡Rabuni̱! (En xi tsunire: maestru.)

¹⁷ꞌBa Jesús kitsure: —Bi chjunnaa̱, ngatꞌa kje fijía̱n ña tijña Naꞌenna̱. Tunga tikꞌe_ri nijmi ntsꞌia̱ nga kuikatejñakua̱ Naꞌenna̱ xi ꞌba nde Naꞌennu, Naꞌenchana̱ xi ꞌba nde Naꞌenchanu.

¹⁸ꞌBa ꞌbatsaꞌen María Magdalena kikeꞌere nijmi xutare Jesús nga tsabe Naꞌenna ꞌba ꞌba nde yeꞌere nijmi mé= xi kitsure.

¹⁹ꞌBa kionga je kuajñu ndekuini nixtjin tamingu, tjichja xuntja ngaꞌnde ña kuañajan xutare Jesús, ngatꞌa inyatsakjunke xutaxa judío. ꞌBa ꞌbatsaꞌen Jesús jaꞌekasenjinre ꞌba kitsure: —Ngatjasꞌenu kjuaxiu.

²⁰ꞌBa kionga je ꞌba kitsure, yakure teyantsja ko nisinre. ꞌBa tsja kuánre xutare nga tsabe ngani Naꞌenna.

²¹ꞌBa Jesús kitsu nganire: —Ngatjasꞌenu kjuaxiu. Jotsaꞌen Naꞌenchana kitsikasenna̱, ꞌba=nde tsaꞌen tetsikasen_nuu̱ ngandaꞌe.

²²ꞌBa kionga je ꞌba kitsu, ꞌentjore nchjabiu ꞌba kitsure: —Chjubetjo ngajin inimanu Isennixtjintsjere Naꞌenchana.

²³Xi sichatꞌa_ru jere, ku̱achatꞌare jere. ꞌBa xi bi sichatꞌa_ru jere, janda= sꞌe̱re jere.

²⁴ꞌBa Tomás xi ꞌba nde xuta ꞌñú ꞌmi, xi ꞌba nde jngu xutare xi tejó, bi kio tijñajinre kionga jaꞌe Jesús.

²⁵ꞌBa xutare xi yakꞌa yeꞌere nijmi ꞌba kitsure: —Je= kjiꞌyee̱ Naꞌenna. Tunga Tomás kitsure: —Tsa bi skuia̱ chubare xiun ngaya ntsja, ꞌba tsa bi skanisꞌia̱n najma ndsaa̱ ña kijire xiun, ꞌba tsa bi skanisꞌia̱n ndsaa̱ nisinre, bi ku̱akjainna̱.

²⁶ꞌBa kionga je jaꞌa jin nixtjin, tjinduya ngani ngaya jngu niꞌya xutare, ꞌba nde kio tijñajinre Tomás. ꞌBa ninga tjichja xuntjo, Jesús jaꞌekasenjin nganire ꞌba kitsure: —Ngatjasꞌenu kjuaxiu.

²⁷ꞌBa ꞌbatsaꞌen kitsure Tomás: —Chutsejen_ri ndsaa̱ ꞌba chanisꞌen najma ndsai ngaꞌe. ꞌBa ndechanisꞌen ndsai nisinna̱. Bi nitajai inimari. Tusa ngatjamakjainri.

²⁸ꞌBa Tomás kitsingojore: —¡Naina̱ ꞌba Naꞌenna̱!