13Mag hamachig höbër hoo nʌʌ habaawaita mam hierrmua hirig, —¿Pʌ k'ant'eeta bĩe hʌma? hajierram haajem. Magbaawai hirua, —Maar Pör Jesús mʌg hee wai narr chukk'u t'ʌnaawaita bĩe hʌm. K'augbam jamagta hat'aaderram k'ai ha hʌajim haajem jũrr hamag.
14Hi hiek hirua mag hiek'apʌ̈inaa hewag hoobaawai Jesuuta hi hëugar hoo dʌnaajim haajem. Pari mag hi hoo hat'am bʌ̈rre chan pöd hi k'aug hauba, sĩi deeum k'ʌʌnpiita hʌajim haajem.
15Mag hichig hoo nʌʌ habaawaita hich Jesús garmua hirig, —¿K'ant'ee bĩe hʌma? ¿Pʌ k'aita jʌr hʌrrʌ́? hajim hanʌm. Hichig magbaawai sĩi chi nemjĩirdö t'ʌajempii hawia chi Mariaau hirigta, —Pʌchdëuta harrtarr k'ai, mʌrʌg jaaubá, mua hi hawaan maag. ¿Jampaita pua hi deet'urjĩ? hajim hanʌm.