SAN JUAN 19:9-19

⁹Jehe cjan joixinhi palacio, co joanchianguihi Jesús co ndac̈ho: ―¿Queẍén dinhi rajná jaha? Pero Jesús iẍonhi ndac̈ho.

¹⁰Cottimeja Pilato ndac̈ho ngain: ―¿Quedonda tencoa jaha nganji na? ¿Anoaha que janha chonda joachaxin para sinttacrucificá jaha, co janha chonda joachaxin cai para que tsanc̈hjanda satsji jaha?

¹¹Jesús ndac̈ho ngain Pilato: ―Jaha rrochondaha ni ná joachaxin para ixin janha si Dios rrochjaha joachaxin mé. Mexinxin tti chojni que joiquinha nganji jaha, nimé ni icha tsje jianha teca que jaha.

¹²Ngain rato mé Pilato cjoé queẍén rrojinchehe para rrocanc̈hjanda Jesús sarrocji, pero chojni judío coyaotte na co ndac̈ho na: ―¡Si tsanc̈hjanda Jesús satsji, jaha jeha amigoe xiemperador César que ttetonha ngain tsje nación! ¡Quexeho chojni que doan rey, chojni mé jeha amigoe xiemperador!

¹³Cottimeja Pilato are coinhi jihi, jehe vac̈hjecaho Jesús para ndoja co jehe Pilato vetaha tti lugar que vinhi tribunal, co ngain nguigoa hebreo lugar mé vinhi Gabata, co rroc̈ho lugar que diguittexin ẍo.

¹⁴Nchanho mé cjoi víspera de ngain tti nchanho que nchejogaha na are ngain tti quiai pascua. Co mé conhe inchin ngosine nchanho. Cottimeja ndac̈ho Pilato ngain chojni judío: ―¡Nttihi chonda ra tti rey de jaha ra!

¹⁵Pero jehe na coyao na co ndac̈ho na: ―¡Jehe chonda que ndasenhe! ¡Jehe chonda que ndasenhe! ¡Nchecrucificá! Pilato ndac̈ho ngain na: ―¿Apoco janha sinttacrucificá tti rey de jaha ra? Pero xidána que vaquetonha ngain icha xidána vinttendac̈ho xa: ―Janha na chondaha na icha rey que jeho xiemperador César que ttetonha ngain tsje nación.

¹⁶Conixin jeho jihi, Pilato joanjo Jesús ngain jehe na para goan crucificado, co jeha na sajoicaoxin na Jesús de nttiha.

¹⁷Co Jesús de nttiha vac̈hjexin coame crué para sajoicao na ngain tti lugar que vancheguinhi na Nttalorojá Chojni, co ngain nguigoa hebreo vinhi Gólgota.

¹⁸Nttiha joinchecrucificaxin na Jesús, co are joinchecrucificá na Jesús, joinchecrucificá na iyó xí cai, naná xa cada lado, co Jesús vehe ngosine.

¹⁹Pilato coetonha vehe nganito cruz ná letra que ndac̈ho: “Jesús de Nazaret, Rey de chojni judío.”