SAN JUAN 19:5-11

⁵Quiaj taw Teat Jesús, alwüx omal nej aaga nepeat sats, at almasooig morada napixeran. Quiaj tasaj nejiw a Pilato: ―¡Jogüy aaga naxey! ―aj nejiw.

⁶Quiaj montangtang miteaats maquiüjpüw monjiür nadam nangaj iüm camüm majawüw ajntsop Teat Jesús, yajnguiatoj tiüt apajüw, tapiüngüw: ―¡Ich mandeow wüx cruz! ¡Ich mandeow wüx cruz! ―awüw. Pilato tasaj nejiw: ―Iquiüjpan, icona iyacan wüx cruz, cos xique ngo naxom cuane asoet aaga naxey cam ―aj nejiw.

⁷Ajcüwa nipilan judío tapiüngüw: ―Xicona salnajiüran poch tiül xenawijquian niüng apiüng netam mandeow cos awaiich, apiüng Micual nej Teat Dios ―awüw.

⁸Wüx a Pilato tanguiay aag ayaj, mbayat xeyay.

⁹Condom tajmel awan alinomb, tatün manguiay Teat Jesús: ―¿Nguiane neriowa? ―aj. Teat Jesús ngome tasaj nej nicuajind.

¹⁰Quiaj tasaj nej a Pilato: ―¿Neol ngo merndeaca? ¿Neol ngo mejaw xique alndom nayac ic wüx cruz, aton alndom natsambiich ique? ―aj nej.

¹¹Quiaj tasaj nej Teat Jesús: ―Ngwüy, nicuajind ngondom merang wüx ximbas sitiül Xeteat Dios ngo müüch ic merang. Naleaing sasaj ic, najntsop asoet aaga neyac xic tiül iwix ―aj nej.