San Juan 16:17-29

¹⁷Chi rëb Jesús zian, dxel guzuloj ree xbejnman canabdiidx loj lasaꞌ reeman, rëb reeman: ―¿Chexc zeel naman, ma guidxin dxej ad zaguiaatri reeman, per ad zajct xchej, yaguiaa reeman stijb, din yaguiaj loj xDadaman?

¹⁸¿Chexc zeel naman: “Ad zajct xchej”? Ad rayigniaꞌt ree ni caneeman.

¹⁹Gogbee Jesús guial rën reeman guiniabdiidx reeman, zeel rëbaman: ―Ma rnin lojdi, ma guidxin dxej ad zuguiaatridi naj, per ad zajct xchej, guguiaadi naj stijb. ¿Ni nen canabdiidxidi ya?

²⁰Diidxli ganin, goondi chuꞌ tëë luxdoodi naya, guiáad ree bénguidxliuj yabaa reeman. Per majsi chuꞌ luxdoodi naya, guidxin dxej yabaadi.

²¹Chi gal xiꞌn béngunaa, rdëdaman tarbajw, din ma bidxin hor guin. Per chi ma gojl xiꞌnman, dxel rayanladxaman tarbajw guin, ru luxdooman zagdxe, guial ma gojl xiꞌnman.

²²Ziangajc lëjt cadëdidi tarbajw yan, per chi guguian lëjt zatijb, chuꞌ luxdoodi zagdxe, achutczi zajc yabëë laan luxdoodi.

²³’Dxel achetri guiniabdiidxidi lon. Diidxliczi ganin, graczi ni guiniabidi loj da Dadan por naj, guneeman.

²⁴Guiáad yan achet wanabidi por naj, gol gunaban din tiaꞌdan, din chuꞌ luxdoodi zagdxe tiblayaa.

²⁵Rëb tëë Jesús: ―Rnin nine ree ziꞌc cwent, per zadxin dxej ad zulütran zian, gusigniaꞌn lëjt zagdxe xcwent da Dadan.

²⁶Dxej zii ree guiniabidi loj da Dadan por naj, ad rüjnt naguiejn ganaaban por lëjt lojman,

²⁷din rënman lëjt, rënman lëjt guial rëndi naj rliladx tëëdi guial laaman guxhaal naj.

²⁸Briin lod zaꞌ da Dadan persi bialan loj guidxliuj guie, yan gusaꞌnan laan din yayaꞌn lojman.

²⁹Dxel rëb ree xbejnman: ―Yanri ma cusigniaꞌl zagdxe.