San Juan 12:5-27

⁵Jafa mina ti mabende este na inggüente pot tres siento denario na salape, ya unumae y mamobble?

⁶Este ilegña, ti pot inadajiña ni mamobble; lao pot guiya y saque, ya guaja y betsaña, ya jachuchule ayo y sinajguanña.

⁷Enaomina ilegña si Jesus, Polo güe, para ayo na jaane nae majafot yo, na uadaje este.

⁸Sa y mamobble siempre gagaegue guiya jamyo; lao guajo taegüeyo guiya jamyo.

⁹Entonses, dangculo na linajyan taotao, gui Judio sija, jatungo na gaegue güe güije, ya manmato, ti pot causan si Jesusja, lao locue para umalie si Lasaro ni guinin janacajulo guine y entelo manmatae.

¹⁰Ya manafaesen entre sija, manmagas y mamale sija, para umapuno locue si Lasaro.

¹¹Sa pot causa di güiya, megae na Judio sija manmalag ayo ya manmanjonggue gui as Jesus.

¹²Ynagpaña na jaane, dangculo na linajyan taotao, y manmato gui guipot, anae majungog na si Jesus mato guiya Jerusalem,

¹³Manmañule ni y ramas y trongcon palma ya manmapos para umaresibe güe ya manaagang: Osana! Dichoso güe ni mamamaela ni y naan y Señot, y Ray Israel!

¹⁴Ya anae jasoda si Jesus un patgon na bulico, matachong gui jiloña; taegüije y matugue:

¹⁵Chamo maañao, jago jagan Sion! estagüe y Raymo na mato, matatachong gui jilo un patgon bulico.

¹⁶Y finenana, y disipuloña ti jatungo estesija; lao y tiempo anae si Jesus esta cumajulo gui langet, entonses manmajaso na estesija este matugue nu güiya, ya sija guinin manmafatinas este sija yan güiya.

¹⁷Y linajyan taotao na estaba mañisija, anae jaagang juyong si Lasaro gui naftan, ya janacajulo gui entalo manmatae, janae testimonio nu güiya.

¹⁸Pot enao locue y linajyan taotao manmato ya maresibe güe, sa majungog na munjayan jafatinas este na señat.

¹⁹Pot enao Fariseo sija ilegñija entre sija: Lie na taya probechonmiyo: Estagüe na todo gui jilo y tano manjanao ya dalalag güe.

²⁰Ya guaja sija na taotao Griego ni gui ayo sija na mangajulo para uadodora gui guipot:

²¹Ayo sija manmato gui as Felipe taotao Betsaida guiya Galilea, ya magagao güe, ilegñija: Señot, manmalagojam inlie si Jesus!

²²Mato si Felipe ya jasangane si Andres; ya mamaela si Andres yan si Felipe masangane si Jesus.

²³Ya si Jesus maninepe ilegña: Y ora mato na y Lajin taotao uresibe y minalagña.

²⁴Magajet ya magajet jusangane jamyo, na y granon trigo ni ti upodong gui tano, ya umatae, güiya namaesa sumaga; yaguin matae megae na tinegcha uchule.

²⁵Y gumaeya y linâlâña ufinalaguaejon; y chumatlie y linâlâña güine gui tano, pinipilanja y taejinecog na jaane.

²⁶Yaguin guaja y somesetbe yo, udalalag yo; ya mano nae gaegue yo, ayo locue nae ugaegue y somesetbe yo. Yaguin guaja y somesetbe yo, si Tata uenenra güe.

²⁷Pago lebog y antijo: Ya jafa quentosjo? Tata nalibre yo pago na ora! Lao pot este mato yo güine na ora.