SAN JUAN 12:25-37

²⁵Xi tjore yojore ngasunꞌndebi, tusa sichaja. Tunga xi bi tjore yojore ngasunꞌndebi, kui= xi tusa kjuaꞌatjo nga kꞌuejñakunntsjai.

²⁶Tsa tjin xi mejénre saꞌexatꞌana̱, ngatjandetjenngina̱. ꞌBa ña kuatejñaa̱, ꞌba=nde kio kꞌuejña xi saꞌexatꞌana̱. ꞌBa tsa tjin xi saꞌexatꞌana̱, Naꞌenchana xi nkꞌa kꞌuaxje xutabiu.

²⁷’Ne ꞌñu tjimafore kakua̱n ngandaꞌe. ¿ꞌBa jó xia̱n? ¿A xinña̱: “Naꞌen, tꞌejñatꞌaxinnaa̱ kjuanimabi ngandaꞌe”? Junjun, ngatꞌa tu kui xa jaꞌeña̱.

²⁸Tusa takutsejen kjuajeri, Naꞌen —kitsu Jesús. ꞌBa kio kjinuꞌyare jngu jnda ngankꞌaa xi kitsu: —Je yakutsijia̱n kjuajena̱ ꞌba nde kuakutsejen ngañaa̱.

²⁹ꞌBa nga kjintꞌere jndabiu xutankjiun, yakꞌa xi kio inyajin kitsu: —Jngu choꞌon janeya. ꞌBa yakꞌa kitsu: —Jngu ankje jako.

³⁰ꞌBa Jesús kitsure: —Bi kjuanda tsaꞌan nga kjinuꞌyare jndabiu, tu kjuanda tsojon.

³¹Ngandaꞌe= nga je siꞌanre kjua ngasunꞌndebi, ꞌba ngandaꞌe= kjuiꞌnaxje xi tibatexumare ngasunꞌndebi.

³²ꞌBa kionga xjunitjennkꞌana̱ ngasun tꞌanangiu, saꞌaa̱n nga kjuaꞌetꞌa tsiꞌina̱ xuta xi tjin ngasunꞌndio.

³³Nga ꞌba kitsu yeꞌe= nijmi ngatꞌare jótsaꞌen kueya.

³⁴ꞌBa xutankjiun kitsu: —Tunga ꞌya=ni mé= xi kuaꞌindutꞌa kjuatexumo, nga Cristo kꞌuejñakunntsjai. ¿Jótsaꞌen ꞌba teꞌminii̱ nga tjinnere nga chjunitjennkꞌa ngasun tꞌanangiu Kiꞌndire Xuta xiꞌiun? ¿ꞌYá= xi Kiꞌndire Xuta xiꞌiun?

³⁵ꞌBa Jesús kitsure: —Tu ngichuba nixtjin kꞌuejñajin ngisanu ndiꞌu. Tetsumo yejerañu tijñajinnu ndiꞌu, tuxi bi ku̱ajñutaꞌenninu. Ngatꞌa xi ña jñu tsuꞌba bi be ñá fi.

³⁶Ngatjamakjainnu ngatꞌare ndiꞌu yejerañu tjin ngisanu, tuxi tseꞌe ndiꞌu ku̱anñu —kitsu Jesús, ꞌba ꞌbatsaꞌen ꞌetju ꞌba tsikꞌejñaꞌmore xutankjiun.

³⁷ꞌBa ninga tsa nkjin kjuakun kitsaꞌen Jesús ngixkun xutabiu, tunga bi kuakjainre ngatꞌare kui.