Samu 89:1-13

¹Kamongo embena mona reto puu penge dokona kenane pyao karalu karo embame yaki nyii nange lao polo lamairu.

²Embena mona retenge renge palu palyuo palira. Dee embena yaki nyii nange renge yakena mendeko ingyuo pingi pyao sulu sera doko namba silyu.

³Akali nambana rombo palyisi pipa lao kana minyilyu. Nambana kendemande akali Dapitipa

⁴para pyao nyere dupwa kiŋiko ingyuo parami. Embena para pyao nyere wambu keta kiŋinya isingi yulu doko boneŋe sinya lao nyakaro lee kande.

⁵Yake pandana aŋala dupwame keyange pilini dupwana kenane pilyaminyi. Kamongo, embena mondo lao pingi dokona lao pilyaminyi.

⁶Yakena karenge dupwa Kamongo emba yale daa. Aŋala dupwa embapamanda manji nara.

⁷Yake pandana aŋala mupwa dupwa wato lenge dokopa emba ketae nembo lenge. Peparaeme emba mupwa lao suu pyaopako karenge.

⁸Kamongo Anatu Porai Wakasa emba yale mende daa. Yulu peparaena Kamongo emba isa paa nange.

⁹Ipwa kotaporai doko minyuo iso karenge. Kasakole minyuo naro ipupwa lao epenge doko meme pingi.

¹⁰Koo renge mena poraingi Oreapa lenge doko emba yuu mendaki kalyuo pyao kumasii. Embena porainya renge dokona embena yandapimwai dupwa nyuo anamasi minyii.

¹¹Yake doko embena ingyuo silyamo. Dee yuu doko opetaeko. Embame yuupi yuu muu dupwana bange wakale wakale singi dupwape wasii.

¹²Yuu parali dolapo wasiinyi silyamo. Yuu Tapo Emonepa kyau dolapome embena lao rae maiyuo kenane pyakange.

¹³Anemapwae. Emba ama porai renge wakasa palenge. Embena porai renge doko bange mendepa manda manjipa nalyamo.