Samu 46:3-11

³Dee mende ipwa kota doko mangalya mangana pyuo oo lao eparamo dokopa yuu kyau dupwa walu walu laraminyipape namwa paka narama.

⁴Ipwa Anatunya yuu taone dokona epopelyamo dokome rae maingi renge minyuo epo penge. Epo Anatu Ama Ketaena anda poo pyasi dokona penge.

⁵Anatu baa yuu taone andake dokona palyuo karelyasa kapa kwaeya nange. Ene yango rombalo piramo dokopa baame nyisala epara.

⁶Yuu muu ree lao dupwa peparae pakame kumaraminyipa kiŋinya isingi yulu dupwa peparae walu larami. Anatu pii reeko yuu gono lele laramo dokopa yuu dupwa mee ingyuo rali pira.

⁷Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

⁸Kamongome aki yulu mende pilyamo lao kandala ipupwa. Baame yulu wambumikando yamarangungi dupwa isa yuu dakena pilyamo kandalapa.

⁹Baame yuu muu peparaena yanda pilyaminyi dupwa kaena lao nenge rekya lao nyilyamo. Baame yanda kakupi dupwa punjinyi nembo konambe dupwa nyuo isarena yango pilyamo.

¹⁰Yanda pilyaminyi dupwa kaepala namba doko Anatu ingyuo karapunu pilyamoŋo doko soo nyelapape. Yuu liti dupwanape dee yuu muu ree lao dupwanape mupwa ingyuo karoŋo letamo.

¹¹Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.