Samsi 90:9-16

⁹Ema miya lahaidi mahudoꞌidi yai wa manamanabalaꞌemai, ema mwahuli wa tomo feulaidi doha yahafuwa.

¹⁰Gonowana te miya boliman 70, na yena te fulufuluga haba 80, in moho ema miya lahaidi yai pilipili yo kamkamna ꞌe fafahoinadi, na hige walolona ꞌe peꞌi.

¹¹Hige sai em manabala laꞌina i sibai, na ibe ꞌe siba haba ꞌe ꞌwasabuwem.

¹²U fatalahamai be em sibasiba ai abi, ema lahai ya tupo.

¹³Aee–, Guyau, u feulama. Em tau lau fayofayo ai, u nuwatohatohaimai.

¹⁴Hwalahwalaladi em gadogadosisi otaꞌotafahina lisina yai u famohafumai be ema miya lahaidi mahudoꞌidi yai haba ma kwademai ꞌe wana.

¹⁵Boliman lofadi somo wa fafapilipilimai mate bolimandi lofadi hinaga nuwamai u fakwadedi.

¹⁶Em paisowa gigibwalina u faꞌitamai, ai em tau laufayofayo lisimai yai, yo em gigibwali namanamalina, nanatumai u faꞌitadi.