Samsi 139:4-13

⁴Guyau, hola hige liba hesa ya libaen na haꞌa wa siba.

⁵Um egu eda wa bwaꞌiyen yo hinaga muligu yai wa laolaoma, em gigibwali yai wa bobobodiyegu.

⁶Sibasiba doha ite mate noꞌona hige gonowagu, ya hasai wananaha be hige gonowana somo ya ita lobahi.

⁷Siya haba E fuyofuyoꞌegu be ibege u itagu?

⁸Ibe E hasai galewa, um amainiya; ibe E peꞌi be sa boꞌusaigu, um hinaga amainiya.

⁹Ibe E lofo lau maihala ena aba kepama nuꞌuna yai, e E lau maihala ena aba bulu nuꞌuna yai E miya,

¹⁰ai nuꞌudi ni hinaga haba wa foyahigu, na em adidili aba bobodiyegu.

¹¹Yau gonowagu kamumu E faliba ya simogu e mala ya fataꞌiꞌiligu gonowana e faliba ya iꞌipa.

¹²In moho kamumu yai hige gonowana ya ala simoꞌem hinaga. Iꞌipa lisim yai ya mahata doha lahai. Kamumu yo mahata um lisim yai gonogonowadi.

¹³Tinagu bogana ganahewana yai wa itagu; um ibom moho wa siba yau amainiya, kamumu ganahewana yai. Taugu mahudoꞌidi wa ginaulidi, wa fasusu gogondi tinagu bogana ganahewana yai. E fadebasaem paꞌana wa ginauli loholohoꞌigu yo wa ginauli komakomanigu. E siba wananaha em paisowa sa fanuwa noꞌonoꞌo wananaha.