Sam keil 9:1-13

¹Asuv houlu Deved mutisi Ahi Asuv, nimasmasuk eli en moulien onak; Nihitehiten mormore tounah keil koa komumoni.

²Nisau hetal min sien venuk; nisau masmasuk, Ahi ten keihoen.

³Navong kokistal, koakeil amumon rea ral minau alohosai; amusavoi, umot, ka umat.

⁴Navong kolei revi usite onak, rendemien onom mal ka vi anatin. Kolonge usite onak mal ka komumoni tahos minau.

⁵Kosan mahien min koakeil amusil ahi sav, komu rasilin meatin tatisa keil. Meatin etai hermundem kattei mun keil.

⁶Koakeil uvae ral minau, ivupuol, komuas meteimal keil one vi atan sesuk mul. Ka meatin keil e hevobongen moulien one.

⁷Ka Ahi, kei vi asuv houlu ten lises; kei rondan en avet ral keihoen onen keke voumon kot en meatin keil.

⁸Kei losil kat out netan ral min maluen; lei revi usite onen meatin keil ten kantri vasi keil ral min rendemien koa mal.

⁹Ahi Asuv sak ven koakeil meatin sav amumoni keih min keil, kei lei kat revi keil en avong takeih.

¹⁰Ahi Asuv, koakeil akileak, indesinuk, kosakras kovalokovein keil navong umai venuk.

¹¹Rehesau masmas Ahi koa rondan en Hou Saeon. Rehehitehiteni en out vasi en out netan asa kei mumoni.

¹²Ahi mundem kat koakeil akur mahien, en rovobongentei tangien one. Koakeil amum tisa en mesav keil, Ahi hesa kesi min keil.

¹³!Ahi Asuv, em hemahis inau li! Kilei kilea mahien onak koa meatin keil mete tisa enau amumoni minau. Kikulat nau ran matien, Asuv onak,