Sam keil 97:2-11

²Kei mul losil kat meatin keil musil sakien koa mal ka mul visein keil musil maluen onen. Mahmah keil koa matetel ka vopoli mul kav koe Ahi suval eisin omon asuv houlu tai.

³Navong mul mai, ahang mulamuni, ka mul kan lin vativieh keil onen en usite vasi keil.

⁴Kei mumon ahil vil en out vasi en out netan, ka koakeil vasi alesi amaleilei en metauen.

⁵Navong Iahova koa vi asuv ten tounah vasi keil en out netan mul mai, vatihou keil aretengeiril umai ka avi aet.

⁶Tounah keil vasi koa amul en teilang avitehiteni keke Ahi mal vasi ka meatin vasi keil alei kilea hetetamenien onen.

⁷Koakeil avasi keil ven nana keil one imemou, veni uva netan min nana keil one koa avi heisav enges, Ka tounah vasi koa uva netan min keil vasuval avahi ahi one, keil vasi enek alei kilea hetetamenien onen Iahova ka iha netan mini.

⁸O Ahi Asuv, veni komul kolei rahit usite onen meatin keil en sakien koa mal, meatin keil koa aro en Hou Saeon alonge tahos, ka koakeil aro en meteimal keil ten out Sudah, asi keil.

⁹Keik, Iahova, kovi houlu mok mulin tounah vasi keil ten out netan, ka kovi nesa vis nesa mok mulin ahi savsav keil vasi.

¹⁰Iahova, envatien onen mul en koakeil e rovattei tisaen. Kei mul lei kokoe en moulien onen koakeil amusil kati, ka mul mutut moulien one ran hen meatin tisa keil.

¹¹Meneai onen mul ritin en koakeil amal en meten, ka kei mul san sien min koakeil amuto.