Text copied!
CopyCompare
Paama Bible - Sam keil - Sam keil 92

Sam keil 92:1-12

Help us?
Click on verse(s) to share them!
1Tahos imok keke mevasan masmasien vahat minuk, Iahova. Mevati lat isom ral min souen keil, keik koa koro en out nesa.
2En visokon vasi, meselus usil envatien onom, ka vongien vasi, meviteni mun keke komum vasi tounah koa kovat kati.
3Memusau minuk navong mepilei en kitar ka memuas ave venuk.
4Inau nasi nau houlu ven sakien keil onom, veni umen koa komumoni mul sakinau namusau ral min sien.
5Iahova, umen keil onom avi hetetamen imok, rendemien keil onom mul nesa mok.
6Meatin koa vi unu sakras vailea, ka meatin koa vatin tovuol reingeingen tounah keil ekek varei.
7Avaseini meatin tisa keil avi houlu suval oumunai tatisa keil ka rolesi suval koakeil amum romaltei aro tahosis, hekatau, Ahi helei rahit usite one ka hou lin keil vasi.
8Ka keik, Iahova, isom vi hetetamen imok lisenges.
9Iahova, mekilea keke koakeil uvae katuk imat. Vativieh keil onom, keil vasi itetasil ka ivuol.
10Iahova, avek keih veni kosan keihoen minau, ka korokol kat inau ral min sien.
11Nalong isien onen vativieh keil onak ka nalei kilea keke keihoen one tovuol emun.
12Meatin keil koa moulien one mal en metom imoul hesuval vati matou tai, imoul hetaveah hesuval vati avek tai.

Read Sam keil 92Sam keil 92
Compare Sam keil 92:1-12Sam keil 92:1-12