Sam keil 51:5-16

⁵Sakkalkalien keil mul tuai eli enau navong avasi nau. Anatin, navong mama onak ro enau, natisaso tuai.

⁶Keik em vati li mok makur anatinien en moulien onak, kisien rendemien onak en meteisauen onom.

⁷Kisahul lin tisaen onak keke nitolas, kikas motein moulien onak eli hemai hoh vis hoh imok.

⁸Kimaenau nilonge hetahos eris ka nito en sien, ka avaseini mahien koa kosani minau vulvul nau, kimaenau li nimakul en sien eris.

⁹Konaleletei mun natisa enau, kisahul lin sakkalkalien keil onak.

¹⁰Ahi kum kes moulien onak eli hemai hetolas, kisan rendemien hau minau koa housil katuk lisenges.

¹¹Konasila lattei nau nanaha ranuk, konakulattei ninin onom koa vi votut naha ranau li.

¹²Kisan risi minau sien koa nakuri mulamu navong komutut nau, ka kumonau li ek hehati malong katuk en tounah vasi.

¹³Navong kosak revi nau, inau suk, nihisein meatin tatisa keil en mengkatien keil onom, ka keil emun ihiles ka iha ris venuk.

¹⁴Ahi, kutut moulien onak, konamaentei nau li nanamat, ka inau nimakul usil maluen onom hetal min sien.

¹⁵Ahi Asuv, kikataunau li maselus, ka nihati lat isom hetal rek.

¹⁶Em rovattei keke nuas buluk vuo sipsip keil ihi sanien votut keil minuk. Munak ninit sanien onak hehat minuk, kirsiktei veni.