Sam keil 51:3-9

³Nalei kilea li tounah koa romaltei en moulien onak, lises namundem kilea saktisaen keil onak.

⁴Tisaen koa namumoni, namumoni va katuk enges, Ahi; sakien onak eli romaltei en metom. Sakini mal keke kolei revi sakien keil onak, keik komal keke kosan mahien minau.

⁵Sakkalkalien keil mul tuai eli enau navong avasi nau. Anatin, navong mama onak ro enau, natisaso tuai.

⁶Keik em vati li mok makur anatinien en moulien onak, kisien rendemien onak en meteisauen onom.

⁷Kisahul lin tisaen onak keke nitolas, kikas motein moulien onak eli hemai hoh vis hoh imok.

⁸Kimaenau nilonge hetahos eris ka nito en sien, ka avaseini mahien koa kosani minau vulvul nau, kimaenau li nimakul en sien eris.

⁹Konaleletei mun natisa enau, kisahul lin sakkalkalien keil onak.