Sam keil 24:1-8

¹Asuv houlu Deved mutisi Out netan ka tounah vasi keil koa amul ien avi onen Ahi; koakeil amoul ien, keil avi onen.

²Kei ling kat atan nesa en huinev ten atas; vatte ten out netan, mumoni en anev ten atas.

³!Anatin! !Ahi Asuv vi Ahi ten keihoen! ?Sakini isei kilea vahina en Hou Saeon onen Ahi Asuv? ?Isei kilea vaha en Eim Votut onen en out enek?

⁴Koakeil enges sakien ka rendemien one mutolas. Koakeil armusiltei ahi sav ka amusil hatkatien onen lises.

⁵Koakeil enek, Ahi hetokol kat keil ka houtut keil. En meten koakeil alele tisa en keil, hehitehiteni hehit keil amutolas.

⁶Vati meatin keil amukonek umai ven Ahi. Akilea avamai en meten Ahi onen Siekob.

⁷!Sehen metareh! Voiteh ten Eim Votut hetah, veni asuv houlu ten muohien hemai neim.

⁸?Isei vi asuv houlu ten muohien? Kei vi Ahi koa kur hetetamenien ka keihoen, koa marite mok en mari rea keil.