Sam 99:2-7

²Leeme Silok neni Lanaraavuk to xeneng Saion, neni ik lok mavana xasep tinotno ri larabung mixin axap.

³Limixin axap dinaba emi asu mi mo laasen silok doxodok teren la dinaba tong i do, neni i melemelengan!

⁴Loorong Silok nenu Lanaraavuk, u vavara aleng leveloklok in manton. Ugara vaxaru vam leventaangas manmanton kusu limixin diba mumu asu i ro xeneng Israel. Ugara xip pot pam mi loklok manmanton la levelinga ruturun.

⁵Leemi asu ri Leeme Silok ne Moroa atnedik. Mina lotu saparav i ro melamgo at loxonin orong teren! Neni i melemelengan!

⁶Moses mi ne Aron duga gugu ngan lumaasa ren, la ne Samuel neni ga ngising tin. Diga ngising ti Leeme Silok la neni ga lox epovo levesingising atnedi.

⁷Neni ga paase ridi boro xeneng at lovotakabu ga baalom upana. Digang tonga res at leventaangas la levelinga neni gam taba nedi min.