SAM 96:2-10

²Kau Buyambam tapae tainong. Taike itane umana yatangenatnong! Tapduk tapduk ginda aminbamu anzing yanikapnong. Buyambam tapata inane aminu panggakge yanikapnong.

³Ginda itane umana kopsa akngae aminu kepna kepna nana dongu kuupbamde yanikapnong. Yanikapmake puya gwaang gwangu buyambamu ita tasinggakge yanikapnong.

⁴Dasingge? Buyambamtapa umana kopsaapa. Ge ninda umana kumzang siknga yatangenatnim. Sike anutu pupuknga wa Buyambamtapa binga dua. Unzingge ninda ie gepbiatang koyutnim.

⁵Dasingge? Anutu pupuknga aminu dongu kundutane, wa Anutu siknga dua. Siwan ngana Buyambamtapa sangabamu ena kakaa komune nana pasike pekut tapa unin.

⁶Buyambam tapata inane yotnane yuke umana kopsa siknga king kapa yuak. Siwan ita kekeknga akngatane toiknga. Siwan sanga gwaamgwaamde toiknga.

⁷Ginu aminu kuupbamda itane umana kopsa akngaat gatu kekeknganaat ngangge apbakngake yatangenatnong.

⁸Ginda Buyambam tapatane umana kopsa akngae yatangenatnong. Sanga kundu ie imunangge pake yotnane kopnong.

⁹Ginu aminu kuupbamda Buyambamtapa takwan yuak kapae munu puke inimbaknganong. Inimbakngake ginda ie akgwauke dandansa yamutnong.

¹⁰Sike ginda aminu keu komdu komdune nana kuupbamu anzing yaninong, “Buyambamtapa king kapa yuak.” Siwan ita kepdaka tapan kekekawan saa sinanga dua. Masande Buyambam tapata kepi noman takngane wam usanzike aminbamu yuyuknga yuaing kakngane usanziwik.