SAM 94:10-18

¹⁰Ita amin kuupbam kayuak. Ayok! Asikaya ita waakwau dua papanomataning, ba? Siwan waapa aminu kuupbamdane yanindamumsa apa. Asikaya i natdetdetna wena ba?

¹¹Buyambam tapatanu aminu kuupbamdane natdetdetna atnataak. Sanga kuupbam ita tasinangge natapningu buya dua aawik ngang atnataak.

¹²Buyambamtapa, gata aminu tapatu gikane mama wamba inindamumbinu aminu waapata apbakngayok.

¹³Gata unzingu wa tasinggaau wa ie yuwatakak imunggak. Imi waapa meya kundu dua kawik. Siwawan wai aminu kungwake kupsa aminda yuaing komune kuning.

¹⁴Dasingge, Buyambam tapata inane aminabamu dua kapewik. Siakande siknga, ita aminabamu masa dua yamik.

¹⁵Sike masande noman aminda wam yaning kopatangu yawan kuku noman gan siwik. Siwan noman aminda take ngang natake wamu nomanu waaknga tawaning.

¹⁶Maminda enake na gatangamuke wai aminu yaipakepu pewik? Maminda enake na gatangaman gutonga tasia aminda nutnangge natake tasiwa maiwik?

¹⁷Sike Anututa dua gatangamukut gamu, asikaya kupsa aminda keu yuaing kopatang na zaatgaman gwa pewam.

¹⁸Na anzing yakum, “Kepina saweknga. Na gwa pimananggenggat,” ngang yakum. Siwan ngana wena. Buyambam tapa, gata butaya siknga natangamuke na tapi nata waiakngaatang dua pimakum.