Sam 92:9-15

⁹Gilania gami sapu kaqu tava mate sari na Mua kana, meke sari doduru tie kaleadi si kaqu tava kilasa.

¹⁰Ba ele va ṉiṉira au Goi si rau, kekeṉoṉo na bulumakao kokoreo pinomona; ele mana nau Goi si rau pa qinetuqetu.

¹¹Ele dogoroni mataqu rau sa vina kilasadi rina qua kana, meke ele avosia rau sa kinabo tadi na tie kaleadi.

¹²Sari na tie toṉoto si kaqu toa na vua valeana guana huda pamu, meke kaqu toqolo guana huda sida pa Lebanoni.

¹³Kaqu koa hola pa vetu hopena te Zihova si arini, meke koa valeana pa Zelepade te Tamasa.

¹⁴Pana ele koadi, ba vua valeana, meke buma valeana na toqolo valeana doduru totoso.

¹⁵Sa dia tinoa valeana si vata dogoro nia sapu toṉoto se Zihova, meke loke sinea si ta dogoro koasa Tamasa sa qua Patu aqoroana.