SAM 91:8-15

⁸Unzingge dua gwauke gika kaawinu Anututa waiaknga wai aminda tasikingge yake meya ayamik.

⁹Ga Anutue kuke sanga waiakngae akusopunggayaunin, siwan Anutu enane sikngaapata ga ganduyuak kapanin.

¹⁰Ngan, ita ga tapan takekan yuwi sanga waita gae apnanga dua. Siwan maiu buyambamu takngatu gae yotdane wesimu kunanga dua.

¹¹Dasingge, Buyambam tapata puya angelanae yaman kepi kuupbamu sukuwiyau ita gandutning.

¹²Siwan angelata katakngata ga tapa kenzomba sup gwene dua tepsa.

¹³Siwana gata kaap zongu laion gatu gomok waiaknga ngang yainggamumza. Ngan, kaap zongu gumbanga laion gwekat gomou buyambamu waiakngaat yaipapaakusiwi dua gasisan.

¹⁴Anututa anzing yanggak, “Nata aminu nae siknga nataaingu apapit. Ngan, aminu nae katak siknga nataaingu nata katak siknga kayuwit.

¹⁵Sike tapduu aminda nae tumuk wam yaningu nata atnatayamit. Sike meya takngatu waaminde apanu na iat yutnim. Iat gatake yuke waaminu apake umana kopsa yamit.