Sam 88:2-10

²Mu avosia sa qua vinaravara, Mu va taliṉa mae au pa qua kinabo.

³Ura soku hola sari na qua tinasuna, meke ele tata pa minate si rau.

⁴Gua ari doduru si rau sapu tata pa minate, ele beto mo sa qua ṉiniraṉira.

⁵Somanae tava muliuṉu si rau koari na tie matedi, kekeṉoṉo gua ri pu ta seke va mate, sapu eko pa dia lovu. Kekeṉoṉo gua arini pu ele muliṉi ni Goi, ura ele taluarae pa Mua kinopu si arini.

⁶Ele vala nau Goi pa minate si rau, pa korapana sa lovu hupohuporona, vasina sapu huporo dudukurumu.

⁷Sa Mua binugoro si guana bogusu sapu opo tamunau meke kuzu au rini.

⁸Sari na qua baere si va taliri Goi pude hakohako nau si rau; ele vata evaṉae nau Goi na keke tiṉitoṉa bonina si rau koarini; guana ta tuku veko si rau, ke lopu boka govete.

⁹Tava rida sari na mataqu koari na tinasigiti. Kei Zihova, doduru rane si va sagei rau sari na limaqu koa Goi pa vinaravara.

¹⁰Lopu hoke tavete tinavete variva magasadi si Goi koari na tie matedi, meke lopu hoke toa pule sarini pude vahesi Igo.