SAM 86:8-13

⁸Buyambam tapa, anutu ga binga tapatu dua yuak. Gata anutu kuupbam ayapbikgayak. Siwan aminu tapatuta puya gata tasinggayak binga dua tasiwik.

⁹Sike aminu dongu kuupbamu gata pasikuyau waaminda kuke gae munu puke gatane umanda yatangenatning. Yatangenawawa umandaa kopsa siknga siwik.

¹⁰Dasingge? Ga kekekngaka bamban tapa. Siwan gata gikatakan duya takngatu takngatu gwaam gwaamu tasinggayak. Ga Anutu siknga awia tapatukan.

¹¹Buyambam tapa, gata sanga nata tasiwitde take nataayak kaknga na katak siknga nanindamumso. Nanindamuwawi nata asingganu gae banip takngakan tawambit. Gata natane musipma tangenawi natdetdeu takngaaya dua siknga natapit. Dua natake nata gae natanggamatake gatane puya aknga asinggan tasiwit.

¹²Anutu, natane Buyambam tapana, nata musip gwaangu buyambam siknga natanggamunggat. Natake nata gatane umanda kopsa yuak kaknga asinggan asinggan yatangenawit.

¹³Dasingge? Asingganu gata nae take siknga natangamunggayak. Natangamuke gata akumnanga akngane sandeke tapi nata aminu gwa kumbingga yuaing komune dua pukuwit.