Sam 86:1-8

¹Nabz ne Devet. Yawe, xlrm nzkrka'-krnge, Murde trxplrwxu x ninge ncblo txne.

²Nim Gct rnge. Arlapx ninge mz nzbzngr murde tenge nim, X ninge kxnzawz nem kc tqmnc-xgle-zvzle nim.

³Nayc mz drtwrm ninge, Murde vz zvz nzkrka'-krbo bam.

⁴Kxetu rnge, aelalzm drtwrnge, Murde abrtrpo drtwrnge bam.

⁵Murde mrlz-esz'ngrn nzripq-zvzngr. X aodu-zvzq krkcng tzkrka'bzng bam.

⁶Yawe, lalztqm mz nzyrni-krnge, X ayzlum natqnge.

⁷Mzli ka kqlex nim mz nzkxpu-krnge, Murde angidati-zvzme nzrlx-krbo da bam.

⁸Kxetu, trpnz-moungr gct kx apule nim, Murde trpnzngr nidr kx rkrlz nzalengr da kxnzkctipxng kcng tqale-zvzq.