Sam 83:1-11

¹O Moroa, ugutak lok sixim, ugatang longivilo, la ugatam pamngus!

²Una ven ba limixin munepen minu di lolos kusu diba remkaa su, la nedi no di belengatngas tu dirang tonga viribang.

³Di vetong li leven taangas alipe xusu dibak lok mo laxakapmek ti limixin taram. Dik lok leven taangas kusu ti sosolo arup nedi ua uk lok see atdi.

⁴Di paase xeretna, “Ude nimi, ata sele utut lenep silok Israel eburu mi limixin di nemen go, kusu limixin axap diba domampe axap tino di.”

⁵Di sisiam mu mo levempapaase li atdi la dik lok momo ri tu buru xusu ti vekini minu, ne Moroa.

⁶Nedi limixin me Edom la me Ismael, leme Moap mi leme Agirit;

⁷limixin me Gebal mi leme Amon; limixin me Amalek, leme Pilistia la leme Taia.

⁸Leme Asiria di ru buru bok midi atla di vara i xusu dina lok tooro leme Amon la Moap, nedi livipisik li at ne Lot.

⁹Unap sep kapmek bok di ngan ugap sep kapmek leme Midien, Sisera, la Jabin to at ladan Kison.

¹⁰Uga sak tup midi ro Endo, la lenbantuxu atnedi garap sopso ro at laxangka.

¹¹Una sev asi bok lubung amgomgo atnedi ngan uga lox i ri ne Orep mi ne Seep, la una sak tup mi lavaeme silok atnedi ngan i mo uga lox i ri ne Zeba mi ne Salmona xuren.