SAM 81:7-12

⁷Sike tapduu ginu meya buyambam paking komune nae yanawaking. Yanawamban nata gatandama ginda take yuking. Na ena kakaa gakngatda yanggakge banakan kusopuke yuat komuneta tumuk wamu yakingu natake gatandamukum. Siwan ginda yangga gapma Meriba ngang iniking komune yuwawa nata tanziu pasikum.

⁸Natane aminabam, daniwa natapnong! Nata wamu kekeknga aknga ginde gwaut wam daniwit. Ginu Isrel amin, natane wamu ginda natapningge take siknga nataat.

⁹Ginu dongu kundutane anutu pupukngana ma yawambam. Siwan ginu anutu pupuknga tapatue munu ma puwam. Ginda munu awia apaekan putnong.

¹⁰Nakan na Buyambam tapasa, na gindane Anutusa. Natakan ginu Isip kep komune pake danipakapbum. Ginu genza akngawa nata nanamu genzeetang pewit.

¹¹Siwan ngana natane aminabamu natane wamu natapnangge apbitaking. Siakande siknga, Isrel nanata natane wamu tawanangge dua tasiking.

¹²Unzingge nata kapewa yamandet takngana tawake tasiking. Tasike sanga ina natapbing kakngakan tawake tasiking.