SAM 76:1-11

¹Sike Juda amindanu Anutue atnataaing. Ngan, Isrel amindanu umana kopsa akngae natake yatangenakaing.

²Sike itane yotna gwenu Jerusalem yot gapmane yuak. Ita tawanu Saion dakane asinggan yuak.

³Ita waomune yuke iwanatane sakut ba tiunggu gatu gwauyana ngang zipbukut. Ngan, Anututa sanga amakgane kuut siknga gwa pasiwan maiking.

⁴Anutu, gatane umanda kopsa siknga siwan ga kakaa akngane yuwaak. Tawanu buyambam dakandaka enane yuaing. Siwan ngana gatane umanda kopsa siknga akngata ayapbikgak. Tawanu wa dakandakane kaap zong gwengwenu buyambam siknga yuaing.

⁵Sike aminu kunduta amak aminu kekeknga akwakgane sangana gwa sandeking. Sike amak aminu waakwau gwa kumbing. Unzingge aminu tapatu amak aminu waakwakge dongune nanata kataknga tangenatnanga dua.

⁶Siwan Jekopdane Anutuna, gata kaanga yaniwi hos gwegwekat aminu hos tangan pukwikingkat kuupbam gwa kungwake kepdakane kuma yuaing.

⁷Siwan ngana Anutu, aminu gae asiknga gwaukaing. Unzingge gata kaanga yaniwinu mamin amin tapata gae kaikane dandamake yuwik? Aminu tapatuta yutnanga dua.

⁸Ga yekaune yuke gata wam yaningge natapi kekekawan waaminbamdane wamna gwa usanzikuyak. Usanziwi aminu kuupbamda asiknga gwauke wamu dua yaking.

⁹Sike tapduu waomune gata amindane wam usanzitnangge enakuyak. Enake gata aminu meya kaaingu kuupbam gatuka panangge tasikuyak.

¹⁰Gata aminu kundue musiptok nataayak, siwan ngana musiptou waakngata tasiwan aminu kunduta gatane umanda ayatangenatning. Sike aminu musiptou gatane akngata dua pasiwan maikingu gae munu apuke ganining.

¹¹Sike ga wamu takngatu Anutu, Buyambam tapakae yawi kekekawiu waaknga atawamso. Nata nataau aminu kuupbamda Buyambam tapae akgwauke sanga ie apakapuke imuningge nataat.