SAM 74:16-22

¹⁶Gata kakaa akngaat gatu zikaa dakaat pasikuyak. Siwan gunzitkat gatu yekapat ngangu enane pekuyak.

¹⁷Siwan tuwangu yanggabamdane kwaimtapa takngai binga gwa tekuyak. Sike gunzit tapduk gatu sopa tapduk ngang nakanu gwendu gwenduatang siwikge gwa tekuyak.

¹⁸Buyambam tapa, ga ma siknga botawim. Iwandata gae sapdut wamu asinggan yakaing. Waaminu katum binga, ge gae natapanu sanga moo binga singgak.

¹⁹Sike gikane aminda kekekngana wena. Unzingge gata dua nindupewi iwaninu waakwakga ninu pasiwan mainim. Ninu gikane amindabamu iwaninda asiknga pasiwa maikamang. Ge gata ninde ma siknga botawim.

²⁰Sike keu kuupbam ninda yuamang kokopatangu, amak kaknga yumdekan tasikaing. Unzingge wamu gata ninu amindabamde yawi kekekakut takngae ma botawim.

²¹Gata dua kapewi wai aminda aminu kundu yainggamuke pasiwa datakuke maakaning. Sike nata nataau gata sangaapae dapmakaingunin gatayami gatane umanda ayatangenatningge nataat.

²²Anutu, gata apuke wamu kekeknga aknga iwandae yaniyo. Sike tapdukbamu gae sapdut wamu yamandet aminda yakaingu atnatayuyo.