Sam 68:28-34

²⁸Ke Tamasa, Mu vata dogoro nia sa Mua ṉiniraṉira; sa Mua ṉiniraṉira gua sapu tavetavete nia Goi koa gami totoso lahe,

²⁹koasa Mua Zelepade pa Zerusalema, vasina atu luari rina baṉara sari na dia vinariponi koa Goi.

³⁰Mu norea sa baṉara pa Izipi sapu gua tugo na basioto pa korapa ovuku, Mu norei sari na butubutu huporo, saripu gua tugo na bulumakao kokoreo pu turaṉa tudia osolae kaqu todoṉo Nigo rini, meke ponigo sari na dia siliva. Mu va talahuarae i sarini pu okoro nia sa vinaripera.

³¹Kaqu vura mae pa Izipi sari na turuhabotu, meke sari na tiena sa Itiopia si kaqu va sagei rini sari na limadia pa vinaravara la koe Tamasa.

³²Mi kera la koe Tamasa, ke gamu na butubutu pa kasia popoa; mi kera vahesia sa Baṉara;

³³vahesia si Asa sapu ene mae pa korapa maṉauru pukeranedi hola. Dotu, va vuraia sa sa mamalaiṉina koari na paka maṉauru.

³⁴Mi tozi vura nia sa ṉiniraṉira tanisa Tamasa; Asa sa baṉara tolavaena pa Izireli, sa Nana ṉiniraṉira si koa koari vina podaka pa Maṉauru.