Sam 66:8-14

⁸Vahesia sa Tamasa, gamu na tinoni; mani ta avoso sari mamalaiṉi vinahesina Sa.

⁹Kopu ni gita Sa si gita pude toa, meke lopu va malumu gita Sa pude gulazoro hoqani gita.

¹⁰Tamasa, ele podeke gami Goi si gami, kekeṉoṉo sa siliva sapu ta kina pude tava via pa nika.

¹¹Ele guana voi gami Goi si gami pa korapana sa Mua vaqara, meke veko gami Goi pa tinasigiti.

¹²Ele va malumi Goi sari na mami kana pude neti kasopi sari na tinimami, ene nuquru hola i gami sari na nika, na naqe, ba ele turaṉa va kamo gami Goi pa keke vasina pu koa tavasare si gami.

¹³Kaqu paleke mae ni rau sari na vina vukivukihi va uququ pa korapana sa Mua Zelepade; kaqu poni Igo rau gua saripu ele va tatara Nigo rau.

¹⁴Kaqu ponigo rau kamahire gua saripu ele tozi Nigo rau totoso koa si rau pa tinasuna.