Sam 66:1-10

¹Mi velavela vahesia sa Tamasa pa qinetuqetu, gamu doduru tinoni pa kasia popoa.

²Mi kera vahesia se Zihova. Mi vala sa vinahesi na vina lavata koa Sa.

³Mi zama la guahe koe Tamasa, “Variva magasa hola sari na Mua tinavete! Nomana hola sa Mua ṉiniraṉira, ke matagutu sari Mua kana meke todoṉo pa kenumu Goi.

⁴Sari doduru tinoni pa kasia popoa si vahesigo. Kera atu ni rini sari na kinera vinahesi, meke kera va lavatigo rini si Agoi Zihova.”

⁵Mae mamu dogori gua sapu taveti sa Tamasa. Variva magasa sari na Nana tinavete pu poni ni Sa koari na tie.

⁶Va popa ia Sa sa kolo, meke ene karovo koa sa ovuku popana sari na tie. Qetuqetu si gita, sina koa gua koari Nana tinavete Sa.

⁷Koa Baṉara si Asa ninae rane ka rane; meke kopu totoko ni Sa sari doduru butubutu. Sari na tie va guguedi si madi lopu koa ululu hola koa Sa.

⁸Vahesia sa Tamasa, gamu na tinoni; mani ta avoso sari mamalaiṉi vinahesina Sa.

⁹Kopu ni gita Sa si gita pude toa, meke lopu va malumu gita Sa pude gulazoro hoqani gita.

¹⁰Tamasa, ele podeke gami Goi si gami, kekeṉoṉo sa siliva sapu ta kina pude tava via pa nika.