Sam 62:6-10

⁶Asa mo sa qua patu aqoroana meke na qua tinaharupu. Asa si na qua bara heheda, ke lopu kaqu tava kilasa si rau.

⁷Sa qua tinaharupu meke na qua vina lavata si koa mo koasa Tamasa.

⁸Ke gamu na qua tinoni, Mi kalavarae koe Tamasa doduru totoso. Mi tozi lani koa Sa sari doduru mia tinasuna, Ura Asa mo sa nada aqoroana.

⁹Doduru tie si guana keke siniṉo mo, hiteke na lavata si loke laedi, Veko lani koasa padapadana mamata, mamu dogoria sapu namu loke hite vasi mamatadi si arini, mamahelo hola nia rini sa siniṉo.

¹⁰Mi lopu kalavarae koasa ṉinovaṉovaladi; mi lopu rovea sapu kaqu vagi nia keketoṉa gamu sa hinikohiko na huhuara. Be guana soku sari mia tinagotago, ba mi lopu va sotoa sa mia kinalavarae koa rini.