Sam 62:1-4

¹Nabz ne Devet kx yrbzle mz kxrmailz ngr dzbe kxnzngrng. Gct txpwz kx mnc-xgle-zvzx mz nabznge, Murde nzmnc-zpwx-krnge vzpxm bade.

²Nide butqbr nyznge x mevalu rnge. Nide lrpalvc nyznge kx tu-amqngio-ngrne.

³Delc nimu kxdrka'-ngrng bzkq tz-zvzpeamu ninge mzli ka trxplrpewxu. X bzkq apusr-ngrnamu ninge nzawxo-krmu ma kx blzlongr.

⁴Ryrlqamu drtwr ngr nzapotxo-krmamu ninge me matq kc tqmnco-ngrmc. X abrtzlvzamu nzpokiatitr-krmu ninge. Murde nivz lr naomu prlxmamu bange, A' mz nabzmu la, ngyati drtwrmu ninge.