Sam 56:6-9

⁶Varigara si arini meke tome nau rini koari na vasidi tometomeana. Kopukopu nau rini koari doduru qua tinavete. Hiva nia rini pude va mate au.

⁷Kei Tamasa, va kilasi gedi koari na dia kinaleadi, va gore pani sari na tie sara pa Mua tinaṉaziri.

⁸Gilani Goi sari na qua tinasuna, balabala i Goi sari na kolomataqu. Kuberi Goi si arini pa mua buka.

⁹Koasa rane pu tioko atugo rau, si kaqu kekere pule sari na qua kana. Gilania rau si hie, ura na somana koarau sa Tamasa.