Text copied!
CopyCompare
Ina Sanaa Gagalowa - Sam - Sam 51

Sam 51:4-14

Help us?
Click on verse(s) to share them!
4Ne kadiwa e manawo dewasana, dea e os manawo; e emaawo ne eueuwana ipa kadiwa. Sa baiwa e ne diane waanase, “E kadiwa dewasaana!” E ulaipa waiana. E ne matangelanea, sa e dewa dodomana dewasaiana.
5Ne muntena walamawe odene ita tauma ne ipa kadi dewalala, Ne inana bupa bedewe kadi do wainedine.
6Tane e meneedia ne nuana bedewe ulaipa nopesapi sa baiwa nuana bedewe insaisa eubu teamoa.
7Ne kadiwana mitaaubee ita eunea ita sapaida wapa.
8Ne kadina inseiadabuasaiana umanawa wawo etape ita ulaipa mampe nuaeuntapa; e ne dewaneano neaina nonosinton tane osowe dewaneawo nuaeutapa.
9Ne dewana kadiwa mai ewamona wade nambeidomoa.
10O God, ne nuana mitee sanaasaa ita ulaipa mampe ne waroroepa.
11Ne mai waaubaneawo eepe anteapa! E Aleua Kakaiwa bedenawo mai wadaaubea!
12Dewaneawo osowe nuaeunteapa, bauta inaneano nuaeutena rua, Ne dewaneawo e aiaa ruawantepina dewawa menaneampa.
13Ita kadi dewalala mampo e intaa ne waeuwamopina ita mo leuntopue e manawo wimpu.
14O God, e ne inanea, saunee inawana oniea ita ne nuaeu mampe e dewaa dodomana sasawa wapa.

Read Sam 51Sam 51
Compare Sam 51:4-14Sam 51:4-14