SAM 51:1-7

¹Anutu, ga butaya akngatane yapii. Siwan gata nae musip kwikwik natangamuyo. Ga musip kwikwikga buyambamu kayaapa. Unzingge gata waiakngana kuupbam sandekngamuyo.

²Gata tasiwi natane waiakngana kaikane sandewi wena siyok. Unzing nata yangga sauwa wasapma wena singgak binga. Ngan. Gata natane waiakngana kuupbam sandekngami nata amin nomanda yuwit.

³Na atnataat. Nata gutonga aknga aknga asinggan pasinggat. Unzingge waakwau pasinggatde botananga dua singgak.

⁴Nata waiaknga wa pasikumu gaekan pasikum. Ngan. Nata wai takngatu takngatu wa tasikumu gae kaikane tasikum. Unzingge gata kepi noman takngakan tawake na usanzike kaanga wam naniwinu siakan siwik.

⁵Ga atnatayak, tapduu mingata na tangaikut gwene na aminu waiaknga tasiya amin dakngakum. Sike musipganang yukum patangu na waiaknga tasiya amin dakngake yukum.

⁶Siwan ngana ga nata wamu siakan takngakan asiknga tawambitde natayak. Unzingge na gata natdetdetda noman taknganin nanindamumbiyakge nataat.

⁷Gata natane waiakngana sandekngami nata dundumna amin dakngake yuwit. Gata yanggata binga saukngami aminu wasapna wena siknga binga dakngake yuwit. Dakngake yuwawa natane waiakngana gatane kaikane wena siknga siwik.